2019-жылдын  5-декабрында “Кыргызстандын  лидер аялдары” улуттук түйүнүнүн Ош областынын Кара-Суу районундагы мүчөлөрүнүн уюштуруусунда Кара-Суу районуна караштуу айыл аймактардын аялдар кеңештеринин төрайымдарынын, активист аялдардын катышуусунда  маалыматтык жолугушуу өттү. Жолугушууда катышуучулар азыркы күндө күчөп жаткан үй-бүлөлүк зомбулук, аялдар жана балдарга карата физикалык жана моралдык олуттуу зыян келтирүү, ажырашуулардын көптүгү, балдардын жана карыялардын кароосуз калышы сыяктуу маселелерди айтышып,  үй-бүлө институтун бекемдөөдө аялдар кеңештеринин да ролу маанилүү экендигин  белгилешти. Иш чара “Аялдар өзгөртүүнү алып келишет” жалпы улуттук кампаниясынын алкагында өткөрүлдү.