Улуу Британиянын элчиси менен жолугушуу

Улуу Британиянын элчиси менен жолугушуу

  Улуу Британиянын Кыргызстандагы атайын жана ыйгарым укуктуу элчиси мырза  Чарльз Эдмунд Гаррет Ош шаарына болгон сапарында “ДИА" коомдук фондунун үй-бүлөлүк зомбулуктун курмандыктарына жардам берүү максатында уюштурулган " Надежда"  коопсуз үйүнүн иши менен таанышып чыкты.

  Коомдук фонддун директору Авазкан Ормонованын айтымына караганда  “Надежда "   коопсуз үйүндө  үй-бүлөлүк зомбулуктун  курмандыктарына социалдык, укуктук, психологиялык жана башка кызматтар  белгиленген  стандарттарга ылайык  көрсөтүлөт. Коопсуз үйдө бир жыл ичинде 254 зомбулуктун курмандыгы  деп таанылган аял  анын кызматынан пайдаланышып, арт-терапия, релаксация терапиясы боюнча топтук сабактарга катышуу менен, квалификациялуу психологдун реабилитациялык програмадан өтүшкөн.  Алар зарыл учурда психолог жана юристтен онлайн жеке кеңеш ала алышкан.

  Алар үчүн өзүн-өзү сыйлоо сезимин өркүндөтүү, коркуу жана тынчсыздануу сезимдерин азайтуу максатында өзүнчө сабактар ​​уюштурулуп, GALS ыкмасы, каржылык сабаттуулук боюнча тренингдер өткөрүл, аялдардын укугун коргоонун эл аралык жана улуттук механизмдери жана ченемдери жөнүндө негизги түшүнүктөр берилип,  аялдардын укуктары жана мүмкүнчүлүктөрү, үй-бүлө тууралуу базалык маалыматтарды, тең салмактуу жана сиңимдүү тамак даярдоо боюнча  мастер-класстан өтүшкөн.   

Другие новости