"ДИА" КФнун "Аялдарга добушуңду бер!" жалпы улуттук кампаниясы старт алды. Кампания Улуттук Демократия Институтунун колдоосу астында “Кыргызстан Лидер-аялдары” улуттук түйүнүнүн мүчөлөрүнүн катышуусунда ишке ашырылат.
Бул долбоордун максаты:
- Аялдардын лидерлик сапаттарын, социалдык тармактарды пайдалануу боюнча билим деңгээлин, ошондой эле гендердик теңчилик жана аялдардын укуктары жаатындагы мыйзамдар жөнүндө маалыматын жана саясий процесстерге катышуусун жогорулатуу.
- Масштабдуу санариптик кампаниясын өткөрүү менен аялдарга бирдей таасир этүүчү көйгөйлөр боюнча жарандардын маалымдуулугун жана аял-талапкерлерге карата жарандардын жана чечим кабыл алуучу адамдардын колдоосун жогорулатуу.
Долбоор Кыргызстандын 20 районунун активист-аялдарын камтыйт. Долбоордун алкагында аялдардын укуктарын жана кызыкчылыктарын илгерилетүү боюнча иш алып баруу үчүн зарыл болгон билимди жана инструменттерди активист – аялдардын арасында жайылтууга багытталган адвокаттык вебинарлар, тематикалык тренингдер, онлайн семинарлар, мастер-класстар пландаштырылууда. Бардык иш-чаралар коомдук пикирге таасир этүүчу лидерлердин жөндөмдөрүн өркүндөтүүгө жана активисттердин санарип кампанияларды жүргүзүү мүмкүнчүлүгүн жогорулатууга жана аялдардын саясатка катышуусун позитивдүү кабыл алган жарандардын үлүшүн көбөйтүүгө багытталган.
Долбоордун жыйынтыктоочу иш-чарасы " Аялдарга добушуңду бер!" масштабдуу онлайн-кампаниясы (флешмоб) болот, негизги максаты активист-аялдардын саясий процесстерге катышууга мотивациясын жана аялдардын саясаттагы ролуна коомдук колдоону жогорулатуу.